( 24 mars, 2016 )

Dekou

Nan dekou
Koukou fè fèt,
Li pase kotel vle,
Anmorèz
Pa nan kenbe tèt
Pa gen prese lè n anba kafe,
Tayo penkyè ap pouse jèm
Pou aryè sezon.

Tankou lajounen ak lannwit
Fann jou a an 2
Koukouj
Lage koukouwouj
Poul al fè de kou
Nan klere kay bondye.

Nan chita kase kou boutèy,
Gwòg gen poul mande kont,
Sot sou zepòl moute sou kou,
Chay peyi m ap fè palavire,
Tout arimè sou kou,
Tout kaptèn anvi fè 2 kou.

( 23 mars, 2016 )

Monkonpè

Kou lè fè klè
Vini nou teke mab ak lide
Pou distrè sousi,
Vini non pou n fouye zo nan kalalou

Bave solèy gwosi pousyè
Nan pwen sous, Lakansyèl kraze rak,
Monkonpè rèv yo kanni
Nan dezespwa.

Yo  dim se sou galta rèv diyite kwoke,
Konpè, se ak inifòm chen
Chat al nan bal kay kòmandan,
Kòk vanse vale vwa l nan chante.

Bon nanj nou kachte nan kalbas inegalite,
Kòd trip nou mare nan kabinèt monsenyè,
Nap kite tonèl kraze pou n pa chante libera
Dèyè sansi yo monkonpè?

Toli

( 22 mars, 2016 )

Jistis

Gen de lè m rete mwen santi mwen ta boule solèy,
Met barikad, boule kawoutchou
sou chimen nyaj yo ki ap galope,
malerezman, latè koupe viza m.

Solèy pran po tèt mwen pou batwèl
Pou blanchi rèv,
Nyaj  mete anbago pou lapli pa desann,
Peyizan tonbe nan vann sann.

Lalin  pran pòz li se gid,
Kou li chanje katye li lage nou nan nwa.
Solèy toujou anvi gate gou rak nan bouch demen,
Map grenpe pye lapli
Pou m al fikse l anba je.

Si piman ta mouye bouch sanglinè,
Mwen tap griyen dan m nan tout lari,
Plede mache sou zepòl zetwal
Fè konnen mwen jwenn jistis,
Yo tap aprann limanite pa gen mèt.

Toli

( 18 mars, 2016 )

Konfidans

Gen yon gwo twou nwa
Nan kalfou lanmou nou,
Pèmèt mwen few yon konfidans
Menm si li ka brize kè w.
Mwen bouke kouve verite
Anba dra,
Konsyans mwen ap banm pataswèl,
Cheri, mwen twonpe w.

Mwen bouke twonpe w ak lonbraj ou
Lè somèy koupe fache ak po je m,
Mwen bouke pran lang ak lank plim
Lè lanvi jouke lespri m,
Mwen kouche ak mo yo nan tout lari
Menm sou kabann sakre a,

Cheri, kòd sekrè a kase,
Mwen marye plizyè fwa deja,
Lalin banm 17 avòtman
Nan yon sèl sezon.
2 nawè m yo pentire senti kilót
Tout flè dizè ki ponmen nan kaka chwal malere.
Mwen santi m pap gen paspouki nan je w,
Men, eseye konprann lonbrit mwen te koupe ak moso boutèy legzistans.

Toli

( 19 janvier, 2016 )

zinga

 

 

Zetwal ap penyen plim je ti kouri,

Machwè fennen nan plan men pou l dòmi

Refleksyon ap banm siyad

Nan kòtèj bondye bon lespwa ap make parad

 

Tèt zòtèy tòde kako lawouze

Pou lave je talon pye

Ki sot kabicha nan labou sou tèt wòch

Siw ap gad talon pye m wap wè soulye lavi dwategòch

 

Rèl do m konnen tout koridò solèy pase

Pou l al kouve,

Latè bwè dlo sèl nan fontenn mwen,

Gade nan bounda pantalon m wap wè kijan m siyen.

 

Toli

( 18 décembre, 2015 )

ma photographie existentielle

 
 
Le vent caresse les cheveux des arbres,
Les vagues netoient les ongles des sables
Et je mire mon visage dans l’eclat de tes douleurs.
 
Toli
( 17 décembre, 2015 )

Mache anba

Lamizè lote 3 pou 5 depi gran ri
Lespwa ap vann nan mezirèt 
Kou priz tabak
Grenn vòt moute tèt ipolit
Lavi chè, pouvwa bèl,
Rezilta a lote nan bak konseyè.
 
Toli
( 1 novembre, 2015 )

lafimen

Lafimen
 
Ou menm ki konn al woule tete zanj nan syèl,
Ou menm ki gen sekrè desen myèl, 
Bon drivayè
 granchirè
grenn pwomennen  kew ye,
Mache nan tout nanchon, nan tout zile,
Wa di ou wè vye grann ak kòt li mare,
Dlo nan jel ponn rivyè
Li tonbe anba grif kadejakè.
 
Mwen pote tras gran chimen
Nan plan men,
Rèv mwen
Pann sou pwent nen
Chen,
Bourik ap koupe m kout je.
 
Toli
( 11 octobre, 2015 )

kòkòday

Kòm ak kòw kwaze,
Cheri lanmou nou fè akò.
2 kakòn jenou nou kole,
Kòt ak kòt nap mache,
Sou menm pa, sou menm kòd nou prale.
 
Akòde yon gita sou mizik kòm,
Akòdeyon kòw 
Ak bagèt dwèt mwen mete nou tou 2 dakò
Paske nou se kòkòday.
Menm si danm doukla map manje masòkòw,
Nan djakout kèm mwen potew tankou sòkòm.
 
Lanmou pap banm zoklo paskem pa wòklò.
Nou mèt mache al oziltik pye nou pap gen kò
Nan chimen lavi gen anpil falèz, men m pap tonbe nan lèkò,
Cheri nou se kòkòday.
 
 
 
Jn verdin jeudi dit TOLI
Tdr.
( 25 septembre, 2015 )

bonèt malere

Bonèt malere

 

Kouvèti tèt, sèvyèt bèt

Nan pye chive,

Sèvyèt pou ranmase rigòl swè ki vle neye je,

Twòkèt pou pwoteje tèt

Anba chay solèy,

solèy move tan

Solèy je drandran

Bonèt malere, kouvèti tèt,

Tèt pati, tèt yap toupizi

Tèt chavire, tèt chaje

 

Toli

( 3 septembre, 2015 )

tras pye

 
 
Mwen pote tras gran chimen
Nan plan men m, 
Rèv mwen
Sou pwent nen m,
Map bouske plim sou do foumi.
 
Dwèt mwen ap bwose
Dan solèy kap leve,
Fontenn mwen kole
Nan lestomak syèl la k ap danse,
Ak lonbraj mwen, mwen ap fè pari.
 
Toli
( 28 juillet, 2015 )

lettre à l’humanité

 
Les mots saignent,
Il ya du sang dans mon poème
Je vais à la guerre, avec ma plume de bohème
Pour la liberté, pas de cercueil.
 
Le soleil de la charité
Voile sous sa culotte les cicatrices de la servitude,
Je ris le maitre qui m’enseigne sa béatitude
Je loue mes capacités.
 
C’est mon histoire qui me tient en lisières
Brandissant la liberté contre le catéchisme et la Chaine
L’armée des incas conquis la dignité humaine.
Dans la lutte pour la liberté, pas de frontière.
 
Combien d’étoiles qui filent dans la mer
Pour essuyer les barvures attaquant la virginité humaine? 
Chiffoner le sang de ces vengeurs sous les bottes est une obscène.
Pour la dignité humaine, je suis en guerre.
 
Toli
Jeudi jean Verdin
 
 
 
 
 
( 12 juillet, 2015 )

chemen koupe

Lannwit ponn lawouze,
Solèy choute l jete,
Mwen pete Je raje 
poul pa pale
Map fè chemen koupe
 
Chemen koupe pa toujou kout
Pasyans mwen pap about,
Nan kase ti bwa bò wout
Mwen pral met kann nan djakout.
 
Chemen koupe
Pa dezabiye lalin anba kout je
Pou fè l tounen bwa dife,
Anba jipon demen lesprim ap fofile.
 
Pye m ap lonje dwèt sou Bondye
Gran lakou ban m lese pase
Fil arenyen se bèl zorye
Map fè chemen koupe.
 
Toli
 
 
 
( 16 mai, 2015 )

fils d’un négrier

Je pleure de sang
La mort de mon père conté par le vent,
Le soleil vient de m’annoncer
L’existence encore des négriers.
 
La mer ne pouvait s’arrêter de vaguer,
Helas, elle caresse tristement le visage des négriers
Lotis dans les cales
Pour l’enfer colonial.
 
Je porte la cicatrice de l’esclavage,
J’ai les traces des chaines comme héritage.
Maudissez ma pauvreté,
Regardez votre passé.
 
Du tohu_bohu des lambis affamés des révoltés, 
Sort le soleil de la dignité.
Tabassé un gourou a coûté très cher
À mon père.
 
Toli 
( 16 mai, 2015 )

viv ma liberté

Viv ma liberté,
Aba le candidat,
Voilà ma chanson de campagne,
C’est le cri de mes entrailles.
Chasser les candidats,
Ils volent les poils de l’agneau,
Pour protéger leur peau de loup.
Je viens de loin avec ce message
Enfermé dans le tiroir rebel
D’une contre éducation.
 
Je m’éduque dans les poubelles des normes,
Je refuse d’être un bon élève,
Je préfère vagabonder avec ma plume
Sur le trottoir de l’existence
Pour courtiser les sacrés.
 
ABA les candidats
Le refrain d’un vagabond,
Ils disent peuple
Pour désigner l’escalier,
 L’électeur est un escalier
Permettant d’aller cueillir les étoiles
 
 
123456
« Page Précédente  Page Suivante »
|